​មេ​ឈ្មួញ​ធំ​ស្ត្រី ង៉ោ គឹម​ឡុង ហៅ​ចែ ហួ​ង ជា​អ្នកម៉ៅកា​រទិញ​ឈើ​មូល នៅ​ស្រុក​វាលវែង​យ៉ាង​សកម្ម​បំផុត ឯ​មន្ត្រី​ងាប់​ត្រគៀក !

​ថ្មីៗ​គេ​រាយការណ៍​ថា​ស្ត្រី​ម្នាក់​ឈ្មោះ ង៉ោ គឹម​ឡុង ហៅ ចែ​ហួង កំពុង​ធ្វើ​សកម្មភាព យ៉ាង​មមាញឹក​ក្នុង​ការទិញ​ឈើ​ប្រឡៅ​មូល នៅ​តំបន់​មួយចំនួន​ក្នុង​ស្រុក​វាលវែង និង​ស្រុក​ភ្នំក្រវាញ ។

​តាម​សកម្មភាព​នៃ​ការទិញ​ឈើ​តូចៗ​នេះ​គឺជា​មហន្តរាយ​យ៉ាងខ្លាំង​ពី​ព្រោះ​ប្រជាពលរដ្ឋ​នៅក្នុង​តំបន់​បាន​សម្រុកចូល​(​ឈើ​តូចៗ​ដែល​នៅ​ខ្ចី​)​មាន​មុខកាត់​ពី​ទៅ​បី​តឹក​ព្រៃ​កាប់​ឈើ​ដែល​មាន​មុខកាត់​តូចៗ​នៅឡើយ​នោះ​។​អាជ្ញាធរ​យល់​ថា​សកម្ម​ភាព​ទិញ​ឈើ​បែប​នេះ​ជា​ឧកាស​បង្ក​ឲ្យមាន​មហន្តរាយ​ខ្លាំងណាស់ ។​

​បើ​តាម​សេចក្តីរាយការណ៍​ឲ្យដឹងថា សកម្មភាព​ឈរ​ជើងទិញ​ឈើ​ប្រឡៅ​មូល​នៅ ក្នុង​ស្រុក​វាលវែង និង​ស្រុក​ភ្នំក្រវាញ​បាន​កើតឡើង​ជា​យូរណាស់​មកហើយ ។ មន្ត្រី​មេ ព្រៃ​នៅ​ស្រុក​ទាំង​២ ជា​អ្នកសម្របសម្រួល​ជួយ​ស្ត្រី ង៉ោ គឹម​ឡុង ឲ្យ​រកស៊ី​របរ​នេះ​បាន កាក់កប នឹង​យូរអង្វែង ។​

​នៅ​ស្រុក​វាលវែង ស្ត្រី​ង៉ោ គឹម​ឡុង បាន​បោះ​ទីតាំង​នៅ​ចំណុច អូរ​ដេកា និង​ចំណុច​តាំង​យ៉ ស្ថិតក្នុង​ភូមិ​ស្ទឹង​ថ្មី ឃុំ​ប្រមោយ ស្រុក​វាលវែង និង​នៅ​ស្រុក ភ្នំក្រវាញ ស្ថិត​ចំណុច​ក្សេត្រ​បូរី ឃុំ​ស​ន្ទ្រែ ស្រុក​ភ្នំក្រវាញ ។

​ស្ត្រី​ខាងលើ​នេះ​រកស៊ី​ទិញ​ឈើ​ប្រឡៅ​មូល​ជា​យូរ​ឆ្នាំ​ណាស់​មកហើយ​បើទោះបីជា​មេព្រៃ​ជាច្រើន​រូប​បាន​ប្តូរ​មក​កាន់​ស្រុក​វាលវែង​និង​ស្រុក​ភ្នំក្រវាញ​យ៉ាងណាក៏ដោយ​ក៏​ស្ត្រី​ខាងលើ​នៅ​តែ​អាច​ប្រកប​របរ​រកស៊ី​បាន​យ៉ាង​សុខសាន្ត​ដដែល ។​

​ប្រភព​បានឲ្យដឹងថា លោក ជា ហួត មេ​រដ្ឋបាល​ព្រៃឈើ​វាលវែង និង​លោក សួស សុ​ផានិត នាយ​ផ្នែក​រដ្ឋបាល​ព្រៃឈើ​ក្រវាញ បាន​ក្លាយជា​អ្នក​ចាំ​យាមកាម​ឲ្យ​រថយន្ត ដឹក​ឈើ​របស់​ស្ត្រី ង៉ោ គឹម​ឡុង ហៅ ចែ​ហួង អាច​ធ្វើ​សកម្មភាព​បាន​ប្រកបដោយ សុវត្ថិភាព ។

​ជាងនេះទៀត​អាជ្ញាធរ​ខេត្ត​ពោធិ៍សាត់​ក៏​មិន​ដែល​ខ្វល់​ចំពោះ​សកម្មភាព​រកស៊ី​ល្មើស​ច្បាប់​របស់​ស្ត្រី ង៉ោ គឹម​ឡុង នោះដែរ​។​ទោះ​យ៉ាងណា​ក៏​ស្ត្រី ង៉ោ គឹម​ឡុង អាច​រកស៊ី​ឈើ​ប្រឡៅ​មូល​នេះ​បាន​រាប់សិប​ឆ្នាំ​មក​ហើយ​អាស្រ័យ​មានការ​បើកភ្លើង​ពី​ជំនាញ និង​មន្ត្រី​ពាក់ព័ន្ធ​ជា​អាជ្ញាធរ​គ្រប់​ជាន់​ថ្នាក់​ក្នុង​ខេត្ត​ពោធិ៏សាត់ ទាំងមូល ៕
​ដោយ ស្ទាំង ភ្នំ​

 

ngorkimlong1 ngorkimlong2 ngorkimlong3