ឧបសម្ព័ន្ធ នៃ​ក្រុម​ហ៊ុន Royal Group ឧកញ៉ា គិត ម៉េង ក្រុមហ៊ុន Ang & Associates Lawyer រដ្ឋាភិបាល​ទើប​តែ​សម្រេច​ផ្អាក​ការ​ដឹក​ឈើ​ចេញពី​តំបន់​ទំនប់​សេសាន២ !

រាជធានី​ភ្នំពេញ​/​ស្ទឹងត្រែង ៖ ថ្មីៗ​នេះ​រដ្ខាភិបាលក​ម្ពជា បានសម្រេច​ផ្អាក​ការដឹកជញ្ជូន​ឈើ​នៅ​តំបន់​បាត​អាង​នៃ​ទំនប់​វា​រី​អគ្គិសនី​សេ​សាន​ក្រោម ២ ក្នុង​ខេត្ត​ស្ទឹងត្រែង និង​ផ្អាក​ការ​ឈូសឆាយ ដី​សម្បទាន​សេដ្ឋកិច្ច «​ជាបន្ទាន់​រហូតដល់​ការបោះឆ្នោតជាតិ​» ក្នុង​ខែ​កក្កដា​ខាងមុខ​នេះ​រួច​រល់ ខណៈ​ដែល​អ្នក​ឃ្លាំ​មើល​បញ្ហា​បរិស្ថាន​ចង់ឲ្យ​បញ្ឈប់​សកម្មភាព​ការប្រមូល​ការកាប់​ឈើ​របស់​ក្រុមហ៊ុន តែម្តង ដោយសារ​តែ​អស់​ឈើ​ស្របច្បាប់​នោះ​។​

​បើ​យោង​តាម​ការសម្រេច​ផ្អាក​នេះ​ត្រូវបាន​ធ្វើឡើង​តាមរយៈ ស​ជណ​. មួយ របស់​ទីស្តីការគណៈរដ្ឋមន្ត្រី​កាលពី​ថ្ងៃ​ទី ២៧ ខែ​កុម្ភៈ ឆ្លើយតប​ទៅនឹង​លិខិត​ស្នើ​សុំ​របស់​ក្រសួង​បរិស្ថាន​ចុះ​ថ្ងៃទី ២១ ខែ​កុម្ភៈ​កន្លង​មក​នោះ​។​
​មិនតែប៉ុណ្ណោះ​ដោយមាន​យោង​ចំណារ​របស់លោក ហ៊ុន សែន ជា​នាយកដ្ឋមន្ត្រី កាលពី​ថ្ងៃ​ទី ២៣ ខែ កុម្ភៈ​រួច​កន្លងមក ។ ហើយ​គេ​ក៏​ឃើញ​លោក ប៊ុន អ៊ុយ រដ្ឋលេខាធិការ​ទីស្តីការគណៈរដ្ឋមន្ត្រី បាន​ចុះហត្ថលេខា​ដោយ​ឯកភាព​ទៅតាម​សំណើរ​នោះ​ផង​ដែរ ។​

​យោង ស​ជណ នោះ​បាន​សរសេរ​ដូច្នេះ​ថា ៖ «​យល់ព្រម​ផ្អាក​ជា​បណ្តោះអាសន្ន​នូវ​ការចេញ​លិខិតអនុញ្ញាត​ដឹកជញ្ជូន​ផល អនុផល​ព្រៃឈើ​ពី​ការសម្អាត​អាង​ស្តុក​ទឹក គម្រោង​វា​រី​អគ្គិសនី សេ​សាន​ក្រោម​២ និង​ការ​ឈូសឆាយ​សម្អាត​ទីតាំង​គម្រោង​វិនិយោគ ដី​សម្បទាន​សេដ្ឋកិច្ច​រហូត​ដល់​ក្រោយ​ការបោះឆ្នោត​សកល​ខាងមុខ ។ សូម​ចាត់វិធានការ​បន្ទាន់​»​។​
​មកទល់ពេលនេះ គេ​មិន​ច្បាស់​ទេ​ថា ៖ ការសម្រេច​នេះ​ត្រូវបាន​ធ្វើឡើង​តែ​មួយ​ថ្ងៃ​ប៉ុណ្ណោះ​ក្រោយពេល​ដែល​ការប្រមូល​ឈើ​នៅ​ដី​សម្បទាន​សង្គមកិច្ចរ​បស់​ក្រុមហ៊ុន ដួង ស្រួច និង​ក្រុមហ៊ុន​ផ្សេង​ទៀត​ត្រូវ​បាន​រដ្ឋាភិបាល​ឯកភាព​ឲ្យ​បញ្ឈប់​តាម​សំណើ​របស់​ក្រសួង​បរិស្ថាន​ដូចគ្នានេះដែរ ។​

​ផ្ទុយទៅវិញ បើទោះជា​ការចេញ​នេះ​វា​ហាក់បីដូចជា​យឺត​ពេល​បន្តិច​ក៏ដោយ​ក៏​សំណាក់​ក្រុម​ប្រជាពលរដ្ឋ និង​មន្ត្រី​អភិរក្ស​ព្រៃឈើ បាន​សម្ដែង​ចេញ នវ​ការគាំទ្រ នឹង​អបអរ​ដា​ទរ អោយមាន​ការបិទ ឫ បញ្ឈប់​នូវ​ការកាប់បំផ្លាញ​ព្រៃឈើ​ជា​ស្ថាពរ តែម្ដង ។​
​បញ្ហា​នោះ​ដែរ ឯ លោក ហូ សំអុល អ្នកសម្របសម្រួល​អង្គ​ការ​សិទ្ធិមនុស្ស​អាដហុក​ខេត្តស្ទឹងត្រែង​បាន​ថ្លែង​ស្វាគមន៍ តាម​ទូរស័ព្ទ​ថា ៖ លោក​ចង់ឲ្យ​មាន​ការបញ្ឈប់​ជា​រៀងរហូ​ត​តែ​ម្តង ដោយ​មិន​ចង់ឲ្យ​មាន​ការអនុញ្ញា​ត ឫ​កាប់​ប្រមូល​យក​ផល ព្រៃឈើ​ឡើងវិញ ក្រោយពេល​បោះឆ្នោត​ជាតិ​នោះ​ទេ ។

​លោក​បន្ដ​ថ្លែងថា ៖ ប្រសិនបើ​គ្មាន​ការផ្អាក​នោះទេ ការប្រមូល​ឈើ​នឹង​នៅតែ​បន្ត​វិនាសកម្ម នឹង​មហន្ដរាយ​ព្រៃឈើ​នៅ​ក្នុងស្រុក​សៀម​ប៉ាង និង​តំបន់​ព្រំប្រទល់​រវាង​ខេត្ត​ស្ទឹងត្រែង និង រតនគិរី ទៀត​ជា​បន្ដ​លុះត្រាតែ​បាត់បង់ នឹង​រលត់រលាយ​ព្រៃឈើ​បាត់​ចេញ ពី​ផែនទី​ព្រៃឈើ​គម្រប​ព័ណ៌​បៃតង​ពិភពលោក​បាត់​នោះ  ។ ហើយ​ប្រសិន​ជា​រដ្ឋាភិបាល​កម្ពុជា ខ្វះ​នូវ​ឆន្ទះ​ទប់ស្កាត់ ឫ បញ្ឈប់​ពឹត​ប្រាកដ​នោះ ។​
​លោក​ថ្លែង​ទៀតថា​៖ «​ជាក់ស្តែង​សព្វថ្ងៃ​ហ្នឹង​នៅក្នុង​បាត​អាង​អស់​ឈើ​ហើយ មិន​មាន​ឈើ​ឯ​ណា​ត្រូវ​បោសសម្អាត​ទេ អ្វី​ដែល​គេ​ឃើញ​រូបភាព​ដឹកជញ្ជូន ធាតុ​ពិត​គឺ​ជា​ក្រុម​ឈ្មួញ ប្រើ​អំណាច​ទឹក​លុយ​ទិញ បំផុស​ប្រជាពលរដ្ឋ ក្រីក្រ អោយ​ចូល​ទៅ​កាប់​ព្រៃឈើ​ហាមឃាត់ ជា​ព្រៃឈើ​អនុក្រឹត្យ នូវជាប់​បាត​ផ្ទៃ​អាង ៣៦០០០ ហិកតា​ហ្នឹង ហើយ​ដឹក​ចូល​ក្រុមហ៊ុន​ប៉ុណ្ណោះ ។
​ដូចនេះ ការ​បោសសម្អាត​បាត​អាង​ហ្នឹង គឺ​គ្រាន់តែ​ជា​លេស​ទេ​។ និយាយ​រួម​ការកាប់​ដឹក​ផល​ព្រៃឈើ ទាំងនោះ គឺ​កាប់​នូវ​ព្រៃ​ហាមឃាត់​ខាងក្រៅ​ដឹក​ចូល​ខាងក្នុង បន្លំ​ថា​ជា​ឈើ ស្របច្បាប់ ឫ​ជា​ឈើ​ក្នុង​បាត​អាង​ហ្នឹង​» ! ។

​លោក សំអុល បញ្ជាក់​បន្តថា​៖ « លោក ហ៊ុន សែន មក​សម្ពោធ​ដឹង​ហើយ​ថា ផ្ទៃ​អាង​ត្រូវ​បាន​ទឹក​លិច​អស់​ហើយ​។ ហេតុ​អី​ក៏​នៅតែ​ឈើ​បាត​អាងៗ​អី​ទៀត​? វា​គ្មាន​ទៅ​ស្ទូច​យក​ឈើ​ពី​ក្នុង​ទឹក​បាន​អី​ទេ​។ រយៈពេល​ជិត ១ ឆ្នាំ​ហើយ ឈើ​នៅ​តែ​ដឹក​ចេញពី​បាត​អាង​ទៀត ។ អ៊ីចឹង​នៅក្នុង​បាត​អាង​វា​អស់​ទៅហើយ មានតែ​ឈើ ក្រៅ​បាត​អាង ហ្នឹង​ឯង​» មានន័យ​ថា ៖ កន្លងមក​គឺជា​ឈើ​បាត​អាង ហើយ ឈើ​នូវក្បែ​របាត​អាង​ក៏​កំពង់តែ​ប្រឈម​ការកាប់បំផ្លាញ អោយ​រលត់រលាយ​ដោយសារ​ក្រុមហ៊ុន និង​អាយ៉ង​ក្រុមហ៊ុន​ឧកញ៉ា​គិត ម៉េង និង បក្ខពួក​ផងដែរ ដែល​បញ្ហា​នេះ​មិនគួ​របើ​លោកនាយក​រដ្ឋមន្ត្រី ហ៊ុន សែន ព្រងើយកន្ដើយ​លើ​វិនាសកម្ម​ព្រៃឈើ ដោយសារ​តែ​ឈ្មួញ​ស្និទ្ធ​របស់​ខ្លួន​ជា​បន្ដ​ទៀត​នោះទេ ។
​ជា​ការពិត​ទោះបីជា​ព្រៃឈើ​សល់​តិច​យ៉ាងណាក៏ដោយ ក៏​គួរតែ​រដ្ឋាភិបាល​ព្យាយាម​រួមគ្នា​ការពារ​បន្តទៅ ដើម្បី​ទុកឲ្យ​មនុស្ស​ជំនាន់​ក្រោយ​បាន​ស្គាល់​ខ្លះ​ផង ប្រសើរ​ជាង​ដែល​អោយ​ក្រុម​ឈ្មួញ​បំផ្លាញ នោះ ។​

​បញ្ហា​នេះ​ដែរ ឯ​លោក ចាន់ ហេង អ្នកនាំពាក្យ​ក្រសួង​កសិកម្ម ដែល​ជា​ស្ថាប័ន​ចេញ​លិខិតអនុញ្ញាត ដឹកជញ្ជូន​ផល​អនុផល​ព្រៃឈើ​បាន​ថ្លែង​ប្រាប់​អ្នកសារព័ត៌មាន​ក្នុង​ស្រុក​ថា ៖ មិនទាន់​បាន​ទទួល ស​ជណ នេះ​ទេ ។ តែ​លោក ហេង ថ្លែងថា ៖ «​មិនដឹង​យ៉ាងម៉េច​ដែរ​។​ខាង​ខ្ញុំ​អត់​ទាន់​បានឃើញ ស​ជណ របស់​ក្រសួង  ។ ហើយ  លោក​បន្តថា ៖ លុះត្រា​ណា​តែ​ឃើញ ជា​ភ័ស្ដុតាង ឫ ទ​ក្ស​ឡ្ហី​ករ ចំណារ របស់​ក្រសួង​បរិស្ថាន និង​ចំណារ​សម្ដេច​សិន ។​

​លោក ហេង ថ្លែងថា ៖ លោក​មិន​ទាន់​អាច​ធ្វើ​អត្ថាធិប្បាយ​យ៉ាងណា​លើ​ការផ្អាក​នេះ​ទេ ព្រោះ​ជា​ការងារ​របស់​ថ្នាក់ដឹកនាំ​។​
​ឯ​លោក ឆាយ ម៉េង អ្នកទទួល​បន្ទុក​ផ្នែក​ការងាររដ្ឋបាល​ក្នុង​គម្រោង​សាងសង់​ទំនប់​វា​រី​អគ្គិសនី​សេ​សាន​ក្រោម ២ បានឲ្យដឹងថា ៖ ការងារ​សម្អាត​បាត​អាង​នេះ គឺ​ស្ថិត​ក្នុង​ការគ្រប់គ្រងរ​បស់​ក្រុមហ៊ុន Ang & Associates Lawyer Co. Ltd​។ ហេតុនេះ​លោក​មិន​អាច​ធ្វើ​អត្ថាធិប្បាយ​បាន​នោះ​ទេ​។

​ដោយឡែក តំណាង​ក្រុមហ៊ុន លោក អ៊ុំ រ៉េត មិនអាច​ទាក់ទង​បាន​ទេ​កាល​ពី​ម្សិលមិញ តែ​លោក​ធ្លាប់បាន​ច្រាន​ចោល​ការចោទប្រកាន់ រឿង​កាប់​ឈើ​ក្រៅ​បាត​អាង​នោះ​ម្ដងមកហើយ នូវពេល​មាន​ការ​ចរាចរ​បទល្មើស​ព្រៃឈើ​យ៉ាង​ទ្រង់ទ្រាយ​ធំ​ពី​ពេល​កន្លងមក ។​
​គួររំលឹកថា ៖ ក្រុមហ៊ុន Ang & Associates Lawyer គឺជា​ក្រុមហ៊ុន​ឧបសម្ព័ន្ធ នៃ​ក្រុមហ៊ុន Royal Group របស់​លោក​ឧកញ៉ា គិត ម៉េង ។ ហើយ​ឯ​បញ្ហា​នោះ​លោក​ឧកញ៉ា គិត ម៉េង បាន​ថ្លែងថា ៖ លោក​កំពង់តែ​ជាប់រវល់​មាន​អ្វី​ចាំ​ពេល​ក្រោយ ។​
​ដោយឡែក​ឯ​រឿង​ពឹស្ដារ​នោះ គេ​នូវ​ចាំបាន​ថា ៖ គឺ​ក្រុមហ៊ុន​នាំ​បទល្មើស​ព្រៃឈើ​នេះ​ត្រូវបាន​លោកនាយក​រដ្ឋមន្ត្រី ហ៊ុន សែន ធ្លាប់​បាន​ចេញ​លិខិត​ផ្អាក​សកម្មភាព​ប្រមូល​ផល អនុផល​ព្រៃឈើ​ក្នុង​តំបន់​បាត​អាង​ម្តង​រួចមកហើយ​កាលពី​ថ្ងៃ​ទី ២ ខែវិច្ឆិកា ឆ្នាំ ២០១៣​។

​លើស​ពី​នោះ​ទៅ​ទៀត​លោក ប៊ុន អ៊ុយ ក្នុងនាម​ជា​រដ្ឋលេខា កាលពី​ថ្ងៃ​ទី ១៣ ខែវិច្ឆិកា​ដដែល​នោះ ក៏​បាន​ចេញ​លិខិត​មួយ​ទៀត​ឲ្យ​ក្រសួង​កសិកម្ម​ដោយ​មិន​ត្រូវ​ឲ្យ​ក្រុមហ៊ុន​ប្រមូល​ទិញ​ឈើ​ពី​ប្រភព​ខាង​ក្រៅ​តំបន់​អនុញ្ញាត ដើម្បី​ធ្វើ​អាជីវកម្ម​របស់​ខ្លួន​ឡើយ ។ ហើយ​ពីព្រោះ​ការប្រមូលទិញ​បែប​នេះ​នឹង​ក្លាយ​ជា​ទីផ្សារ​មួយ​ដែល​លើកទឹកចិត្ត​ឲ្យមាន​ការកាប់​ឈើ​ដោយ​អនាធិបតេយ្យ ខុស​ច្បាប់​ជា​បន្តទៅទៀត​។​

​ដោយឡែក បញ្ហា​នោះ​ដែរ​ឯ​លោក​រដ្ឋមន្ត្រី សាយ សំ​អាល់ ក៏​បាន​បដិសេធ​មិន​ធ្វើ​អថាធិប្បាយ​បាន​ទេ​ដោយ​លោក​ឲ្យ​សួរ​ទៅ​អ្នកនាំពាក្យ​របស់​ក្រសួង វិញ ។
​ជុំវិញ​បញ្ហា​នេះដែរ ឯ​អ្នកនាំពាក្យ​លោក សៅ សុភាព និង​លោក អ៊ាង សុផល្លែត មិនអាច​ទាក់ទង​សុំ​ការ​អត្ថា​បានទេ​។ រីឯ​លោក ស្រ៊ុន ដា​រិទ្ធិ នាយក​ខុទ្ទកាល័យ​អះអាងថា​លោក​មិនទាន់​បាន​ដឹង​ពី​ការស្នើសុំ និង​ការចេញលិខិត​ផ្អាក​នេះ​ទេ ខណៈ​ដែល​លោក ជា សំអាង អគ្គនាយក​នៃ​អគ្គនាយកដ្ឋាន​រដ្ឋបាល​ការពារ និង​អភិរក្ស​ធម្មជាតិ ក៏​ថ្លែងថា​លោក​ជាប់រវល់ ។ តែ​ទោះជា​យ៉ាងណា​ក៏​គួរតែ​រដ្ឋាភិបាល​ពិចារណា​រឿង​អោយ​ក្រុមហ៊ុន​កាប់បំផ្លាញ​ព្រៃឈើ​ជា​បន្ត​នោះ  ៕
​ដោយ ស្ទាំង​ស​

 

sesan1 sesan2